የቅዱስ ሲኖዶስ ስድስተኛ ቀን ውሎ ሪፖርታዥ

READ THIS ARTICLE IN PDF

·      ኮሚቴው ፍጹም ውግዘት የሚገባቸውን የፕሮቴስታንታዊ ተሐድሶ እንቅስቃሴ አራማጅ ማኅበራትና ግለሰቦች ለይቷል - ማኅበረ ሰላማ፣ ማኅበረ በኵር፣ የምሥራች አገልግሎት፣ አንቀጸ ብርሃን፣ የቅድስት ልደታ ለማርያም መንፈሳዊ ማኅበር፣ የኢትዮጵያ መንፈሳዊ ተሐድሶ ኅብረት፣ አሸናፊ መኰንን፣ አግዛቸው ተፈራ፣ ጽጌ ስጦታው እና ግርማ በቀለ ይገኙባቸዋል።

·         “ሃይማኖቴ እንደ አባቶቼ ነው” ያሉት የአባ ሰረቀ እና “የቅን ልቦና የመንፈሳዊና የፈውስ አገልግሎትን ያቋቋምኹት ልጆቼን የማበላቸው ስለተቸገርኹ ነው” ያሉት የ‹ሊቀ ካህናት› ጌታቸው ዶኒ ጉዳይ ያለውሳኔ ሐሳብ ለምልአተ ጉባኤው ውሳኔ ቀርቧል።

·    አባ ጳውሎስ ከጥንተ አብሶ ጋራ በተያያዘ ስለ እመቤታችን ቅድስት ድንግል ማርያም ንጽሕና እንዲመሰክሩ ሊጠየቁ ይችላሉ።

·         ሊቃውንት ጉባኤው ተደጋጋሚ ጥሪ አድርጎለት ያልቀረበው በጋሻው ደሳለኝ ዛሬ ጠዋት የሊቃውንት ጉባኤውን ሰብሳቢ በእጅጋየሁ በየነ አማላጅነት ሲለማመጥ ታይቷል፤ ሊቃውንት ጉባኤው “በአንድ ወቅት በራስ ቅል ኮረብታ ላይ ኢየሱስና ዲያቢሎስ ቁማር ተጫወቱ . . . ዲያቢሎስም በጨበጣ ገባ” የሚለውና ሌሎቹም ጥንቃቄ የጎደላቸው ንግግሮቹ ፍጹም ውግዘት የሚገባቸው እንደኾኑ አመልክቷል።

·         የልማትና ክርስቲያናዊ ተራድኦ ኮሚሽን አመራርና መዋቅር ይሻሻላል፤ በጠቅላላ ጉባኤና በቦርድ ይመራል፤ የኮሚሽኑ ሊቀ ጳጳስ የኮሚሽኑ ኮሚሽነር እንደሚኾኑ ተጠቁሟል።

·         የማኅበራት መመሪያ ረቂቅ ለውይይት ቀርቧል፤ አሁን ባሉበት አኳኋን ከቀጠሉ “ሌላ ሲኖዶስ ይኾናሉ፤ የፖሊቲካ ዓላማ ማስፈጸሚያ ይኾናሉ፤ በቀኝ ዘመምና ግራ ዘመም አቋም ቤተ ክርስቲያኒቷን ይውጣሉ/ይከፍላሉ” የሚል ስጋት የቀረበባቸው ማኅበራት ንብረት በአጥቢያ አብያተ ክርስቲያን መዋቅር ውስጥ ተጠቃልሎ እንዲተዳደር ሐሳብ ቀርቧል፤ የመመሪያውን ረቂቅ በጥንቃቄ የተመለከቱት የምልአተ ጉባኤው አባላት ጉዳዩ በይደር እንዲታይ አድርገዋል።

የዜና ቤተ ክርስቲያን ጋዜጣን ጽሑፎች የሚመረምር ኮሚቴ ተቋቋመ

·        አባ ጳውሎስ በጉባኤው ላይ እንዲቀርቡ ለተጠሩት አዘጋጆች በተፈለጉበት ጉዳይ ዙሪያ ሲመክሩና ነገር ሲያስጠኑ አምሽተዋል፤ አዘጋጆቹን አቅርቦ ለመጠየቅ የነበረው ዕቅድ ተሰርዞ እንዳይገቡ ተደርገዋል::

·        “እኔ የግል ቤት የለኝም፤ መኪና የለኝም፤ ሲኖዶሱ መወሰንና ርምጃ መውሰድ አለበት” (ብፁዕ አቡነ ሳሙኤል)

·        “ለቤተ ክርስቲያን አደጋ ነው፤ መወሰን አለብን” (ብፁዕ አቡነ ቀውስጦስ)

(ደጀ ሰላም፤ ግንቦት 7/2004 ዓ.ም፤ May 15/ 2012/ READ THIS IN PDF)፦ ዛሬም ለተከታታይ ሁለተኛና ሙሉ ቀን በዜና ቤተ ክርስቲያን ጽሑፎች ላይ ሲወያይ የዋለው የርክበ ካህናት ቅዱስ ሲኖዶስ ምልአተ ጉባኤ

የጽሑፎቹን ይዘት ከሕግ እና ከቀኖና ቤተ ክርስቲያን አንጻር መርምሮ ውሳኔ የሚያቀርብ ሰባት አባላት ያሉት የምሁራን፣ ባለሙያዎችና የብፁዓን ሊቃነ ጳጳሳት ኮሚቴ አቋቋሟል፡፡ የኮሚቴው አባላት ኾነው የተመረጡት ሦስት ብፁዓን ሊቃነ ጳጳሳት፡- ብፁዕ አቡነ ናትናኤል፣ ብፁዕ አቡነ ኤልሳዕ እና ብፁዕ አቡነ ያሬድ ናቸው፡፡ የሕግ ባለሙያዎቹና ምሁራኑ ደግሞ ፕሮፌሰር ጥላሁን ተሾመ፣ ዶ/ር ተክለ ሃይማኖት አንተነህ፣ አቶ ፊልጶስ ዓይናለም እና አቶ በፍርዱ መሠረት ናቸው፡፡

በዜና ቤተ ክርስቲያን ጋዜጣ ላይ ያተኮረው የቅዱስ ሲኖዶስ ስብሰባ አራተኛ ቀን ውሎ

READ THIS IN PDF.

·        አባ ጳውሎስ ጉዳዩ አጀንዳ እንዳይኾን ተቃውመው ነበር።

· እትሙ በመንፈስ ቅዱስ የሚመራውን ቅዱስ ሲኖዶስ ክብር የሚያቃልልና መጥፎ አርኣያነት ያለው መኾኑ በጉባኤው አባላት አጽንዖት ተሰጥቶበታል።

·        የጋዜጣው ተጠሪነት ለማን እንደ ኾነ አልታወቀም።

·        የጋዜጣው ዋና እና ምክትል አዘጋጆች፣ የሕዝብ ግንኙነት መምሪያ ዋና እና ምክትል ሓላፊዎች ዛሬ ቀርበው ይጠየቃሉ።

·      የብፁዓን ሊቃነ ጳጳሳት ንብረት ጉዳይ በጥቅምቱ ቅዱስ ሲኖዶስ በአጀንዳነት ተይዞ ለቋሚ ሲኖዶስ ተመርቶ ነበር።

·  ቀሲስ ዶ/ር መስፍን ተገኝ ቅ/ሲኖዶስ ፍርድና ውሳኔ እንዲሰጣቸው ጠይቀዋል።

(ደጀ ሰላም፤ ግንቦት 7/2004 ዓ.ም፤ May 15/ 2012)፦ የርክበ ካህናት ቅዱስ ሲኖዶስ መደበኛ ስብሰባ በትናንት፣ ግንቦት 6 ቀን 2004 ዓ.ም አራተኛ ቀን ውሎው ዜና ቤተ ክርስቲያን ጋዜጣ በ56^ኛ ዓመት ቁጥር 125፣ ሚያዝያና ግንቦት 2004 ዓ.ም እትሙ ይዞት በወጣው ርእሰ አንቀጽና ጽሑፍ ዙሪያ ሲነጋገር ውሏል፡፡ የጋዜጣው ጽሑፎች ኾነ ብለው በያዙት ቅን ያይደለ አሳብና ዓላማ (Intents and purposes) ሳቢያ ባጸደቃቸው አጀንዳዎች ዙሪያ የጀመረው ውይይት ሂደት የተስተጓጎለበት ምልአተ ጉባኤው÷ ጉዳዩን በርእስነት ይዞ እንዳይነጋገር ከርእሰ መንበሩ አባ ጳውሎስ ተቃውሞ ገጥሞት እንደ ነበር የጉባኤው ምንጮች ተናግረዋል፡፡ የዚህም ምክንያቱ ሄዶ ሄዶ የጉዳዩ ሥር ፓትርያርኩ ራሳቸው በመኾናቸው ከተጠያቂነት ለመዳን የሚያደርጉት ጥረት መኾኑ ታምኖበታል፡፡

በምልአተ ጉባኤው እምነት ‹የቤተ ክርስቲያን ልሳን› የኾነው ዜና ቤተ ክርስቲያን ጋዜጣ በርእሰ አንቀጹ “የአባቶች ገበና በሕገ ቤተ ክርስቲያን ሲጋለጥ” በሚል ርእስ ያወጣው አቋም፣ በቀዳሚ ገጹ “ቤተ ክርስቲያንንና መንጋዎቿን ከወቅታዊ አደጋ ለመታደግ ከግንቦቱ ቅዱስ ሲኖዶስ የሚጠበቅ የህልውና ውሳኔ” በሚል ርእስ በብፁዓን ሊቃነ ጳጳሳት ላይ በማተኰር ያተመው ጽሑፍ፡- አባ ጳውሎስ በተመሳሳይ ጉዳዮች ለሚታዩባቸው ግዙፍ ተጠያቂነቶች አንዳች ትኩረት ያልሰጠና ሌሎችን ለማሸማቀቅ በመሣርያነት ያገለገለ፣ ፓትርያርኩ አላግባብ የሚጠቀሙበትን ሥልጣናቸውን የማጠናከር ዝንባሌ ያለው፣ በጥቅምቱ ቅዱስ ሲኖዶስ ምልአተ ጉባኤ በአጀንዳነት ቀርቦ እልባት እንዲሰጠው በማሰብ ቋሚ ሲኖዶስ የውሳኔ ሐሳብ እንዲያቀርብበት በተመራው የብፁዓን ሊቃነ ጳጳሳት ንብረት ጉዳይ ዕድል ያልሰጠ፣ በአጠቃላይ በመንፈስ ቅዱስ የሚመራውን ቅዱስ ሲኖዶስ ክብር የሚያቃልልና መጥፎ አርኣያነት የሚታይበት ነው፡፡

በጀርመን የሚገኙ ምእመናን በአካባቢው በሚገኝ መናፍቅ ቄስ ጉዳይ ከቤተ ክርስቲያኒቱ የበላይ አካላት አሁንም ምላሽ እየጠበቁ ነው

 (ደጀ ሰላም፤ ግንቦት 6/2004 ዓ.ም፤ May 14/ 2012/ READ THIS ARTICLE IN PDF)፦ ለረጅም ዓመታት በጀርመን በሚገኙ የኢትዮጵያ ኦርቶዶክስ ተዋሕዶ ቤተክርስቲያን ምእመናን አቤቱታ ሲቀርብበት የነበረው ከመናፍቅነት “ተመልሻለሁ” የሚለው የ”ቀሲስ” ገዳሙ ደምሳሽ ጉዳይ  እስካሁን ድረስ መፍትሄ አለማግኘቱ በአካባቢው ምእመናን ዘንድ ከፍተኛ ቅሬታን እያስነሣ ይገኛል። ሕዝበ ክርስቲያኑ ቅሬታቸውን ምንም እንኳን በተደጋጋሚ በጀርመን ካለው የቤተ ክርስቲያኒቱ ኃላፊ አንስቶ ጠቅላይ ቤተክህነት ድረስ ቢያሰሙም የጉዳዩን አሳሳቢነት ከግምት አስገብቶ አፋጣኝ ምላሽ ሊሰጣቸው የቻለ አንድም አካል አለማግኘታቸው እንዳሳዘናቸው ከአካባቢው የደረሰን መረጃ ያስረዳል።

የሰሜን ምዕራብ አውሮፓ ሀገረ ስብከት ሊቀ ጳጳስ ብፁዕ አቡነ እንጦንስ በነሐሴ ወር ፳፻፫ ዓ/ም  እኚህኑ ግለሰብ ውሳኔ እስኪያገኙ ድረስ በአጥቢያቸው ብቻ እንዲወሰኑ እገዳ ጥለውባቸው ከሄዱ በኋላ ግለሰቡ ምእመናንን የማሰናከል ሥራቸው እየከፋ ከመሄዱ በፊት በአስቸኳይ ውሳኔ ይሰጥበት ዘንድ በጀርመን የሚገኘው የምእመናን ኅብረት የአቤቱታ ደብዳቤ በጥቅምት ለዋለው የቅዱስ ሲኖዶስ ስብሰባ በብፁዕነታቸው በኩል ቢያቀርብም የሚጠበቀው ውሳኔ የውኃ ሽታ ሆኖ ቀርቷል።

"ከቅዱስ ሲኖዶስ ምልዓተ ጉባኤ ፍርድ እና ውሳኔ እንዲሰጠኝ" ቀሲስ ዶክተር መስፍን ተገኝ

READ THIS LETTER IN PDF

ቀን   ግንቦት 5 ቀን 2004 ዓ.ም  ቁጥር  EOTCDC/135/2004

ለኢትዮጵያ ኦርቶዶክስ ተዋሕዶ ቤተ ክርስቲያን                                                                                                          ቅዱስ ሲኖዶስ አባላት

ጉዳዩ ፦    ከቅዱስ ሲኖዶስ ምልዓተ  ጉባኤ  ፍርድ እና ውሳኔ እንዲሰጠኝ ስለመጠየቅ  

በቅድሚያ የቅዱስ ሲኖዶስ ኣባላት የሆናችሁ አባቶቼ  ሁሉ  ቡራኬያችሁ  ይድረሰኝ እያልኩኝ ፤ ለቀደሙት አባቶቻችን  እውነተኛ የሃይማኖትን ገድል እንዲፈጽሙ ጽናትንና ትእግሥትን የሰጠ የቅዱሳን አምላክ እግዚአብሔር እናንተንም  በተቀመጣችሁበት ሐዋርያት መንበር  ለቤተ ክርስቲያን አንድነት እና ዘላቂ ሰላም   የሚጠቅም   እንዲሁም ቤተ ክርስቲያን ለገጠማትን  ዘርፈ ብዙ ችግር መፍትሔ ለመስጠት እንድትችሉ እግዚአብሔር ይርዳችሁ እላለሁ :፡

 

(UPDATED AGAIN) የቅ/ሲኖዶስ መደበኛ ስብሰባ ሦስተኛ ቀን የቀትር በኋላ ውሎ

አቡነ ጳውሎስ ከፕሮቴስታንታዊ ተሐድሶ መናፍቃን ጋራ ማበራቸውን የቅ/ሲኖዶስ አባላት ገለጹ  

(READ THIS ARTICLE IN PDF) 

·         ቅዱስ ሲኖዶስ በቀጣይ ለሚኖረው አመራር የመላው ካህናትና ምእመናን ጸሎትና ሁለንተናዊ ድጋፍ እንዲደረግለት ተጠይቋል።

·         በአባ ጳውሎስ፣ አባ ፋኑኤልና ኀይለ ጊዮርጊስ ጥላሁን ምክርና ኮሚሽን አድራጊነት የተጻፈው የዜና ቤተ ክርስቲያን ጋዜጣ ርእሰ አንቀጽ እና ዘገባ በፈጠረው ቁጣ ሳቢያ የቅዱስ ሲኖዶስ ስብሰባ ተቋረጠ።

·         ጋዜጣው በስብሰባ መካከል መሰራጨቱና ባተኮረበት ይዘት ብፁዓን አባቶችን ለማሸማቀቅተብሎ መዘጋጀቱን የቅዱስ ሲኖዶስ አባላት ተናግረዋል።

·         የጋዜጣው ርእሰ አንቀጽና ዘገባዎች አባ ጳውሎስ በስብሰባው እንዲያዙላቸው የሚፈልጓቸውን አጀንዳዎች ከአባ ጳውሎስ “የፓትርያርክነት ዐምባገነንነት” ፍላጎት አንጻር የማብራራት ግብዝነት የሚታይበት ነው።

·         አባ ጳውሎስን ከፓትርያርክነት ማዕርጋቸው በሚያወርዷቸው የቃለ መሐላ ጥሰትና የታማኝነትመታጣት ጉዳዮች ዙሪያ ጠንካራ ውይይት ተጀምሯል።

·         የአባ ጳውሎስ ግብረ በላዎች ትናንት ማምሻውንና ዛሬ ቀን በአባቶች ማረፊያ ቤት እየተዘዋወሩ በማስፈራራት ጽናታቸውንና አንድነታቸውን ለማላላት እየሞከሩ ነው፤ እጅጋየሁ በየነ፣ ኀይለ ጊዮርጊስ ጥላሁንና ለጊዜው ስማቸው ያልተጠቀሱ ግለሰቦች ይገኙባቸዋል።

·         መደበኛ ስብሰባው ነገ ሰኞ ይቀጥላል።

የቅ/ሲኖዶስ መደበኛ ስብሰባ ሁለተኛ ቀን የቀትር በፊት ውሎ

  READ THIS ARTICLE PDF

•       አጀንዳ አዘጋጅ ኮሚቴው 20 ጉዳዮችን በረቂቅነት አቅርቧል።
• ከአቡነ ፋኑኤል ጋራ በተያያዘ በዋሽንግተን የተፈጠረው ችግር በአጀንዳዎቹ ዝርዝር ውስጥ ራሱን ችሎ አልተመለከተም። 
•     ፓትርያርኩ የዕርቀ ሰላም ንግግር አጀንዳን ተቃውመዋል፤ በተጨማሪ ኤጲስ ቆጶሳት ሹመት አጀንዳ አቋማቸው ጸንተዋል።

• “በእኛ ዘመን የተከፈለች ቤተ ክርስቲያን ለቀጣዩ ትውልድ አናስረክብም፤ ሹመቱ ዕርቀ ሰላሙን የሚያደናቅፍ በመኾኑ ወቅቱ አይደለም።” /ብዙኀኑ ብፁዓን ሊቃነ ጳጳሳት/

በትናንትናው ዕለት በቋሚ ሲኖዶስ የቀረቡለትን 15 የመነጋገርያ አጀንዳዎች የተመለከተውና በምልአተ ጉባኤው የተሠየመው ስምንት አባላት የሚገኙበት አጀንዳ አዘጋጅ ኮሚቴ 20 የመነጋገርያ ጉዳዮችን ዛሬ ጠዋት ለምልአተ ጉባኤው አቅርቧል፡፡

ብፁዕ አቡነ ማቲያስን በሊቀ መንበርነት፣ ብፁዕ አቡነ ሉቃስን በጸሐፊነት በመምረጥ ሥራውን የቀጠለው ኮሚቴው÷ ቀደም ሲል በቋሚ ሲኖዶስ ተቀርጾ በቀረበው አጀንዳ ላይ በስፋት በመወያየት ዘመኑን የዋጁና ወቅቱን የተመለከቱ የ20 አጀንዳዎችን ዝርዝር ለምልአተ ጉባኤው አቅርቧል፡፡

የቅ/ሲኖዶስ መደበኛ ስብሰባ የመጀመሪያ ቀን ውሎ

• ሰባት አባላት ያሉት የአጀንዳ አርቃቂ ኮሚቴ ተመርጧል:: 
• ቋሚ ሲኖዶስ ባለ 15 ነጥብ ሐሳቦችን ለአጀንዳ አርቃቂው ኮሚቴ አቅርቧል:: 
• የገዳማት፣ የዕርቀ ሰላም ንግግር፣ የሃይማኖት ሕጸጽ ስላለባቸው ሰዎች፣ ስለ ልማትና ክርስቲያናዊ ተራድኦ ኮሚሽን፣
• ስለ ማደራጃ መምሪያና ማኅበረ ቅዱሳን የተመለከቱ ጉዳዮች ይገኙበታል ተብሏል::

•   ፓትርያርኩ የጳጳሳት ሹመትንና ሕገ ቤተ ክርስቲያንን ማሻሻልን በድጋሚ አጀንዳነት አስይዘዋል::

ሙሉ ዘገባውን የወሰድነው ከደጀ ሰላም ብሎግ ነው::

READ THIS ARTICLE IN PDF

 የርክበ ካህናት ቅዱስ ሲኖዶስ መደበኛ ስብሰባ ዛሬ፣ ግንቦት 2 ቀን 2004 ዓ.ም ጠዋት በጽርሐ መንበረ ፓትርያርክ ተጀምሯል፡፡ በስብሰባው በሰሜን አሜሪካ ከቀሩት የጉጂ ሊበን ቦረና ሀገረ ስብከት ሊቀ ጳጳስ ብፁዕ አቡነ ኤዎስጣቴዎስ፣ የኒውዮርክና አካባቢው ሀገረ ስብከት ሊቀ ጳጳስ ብፁዕ አቡነ ዘካርያስ፣ የደቡብ አፍሪካ ሀገረ ስብከት ሊቀ ጳጳስ ብፁዕ አቡነ ያዕቆብ እንዲሁም ሌሎች ሁለት ጳጳሳት በእርግና ምክንያት ካለመገኘታቸው በቀር የመደበኛው ስብሰባ ምልአተ ጉባኤ ተሟልቶ ቅዱስ ሲኖዶሱ ሥራውን ቀጥሏል፡፡

በማኅበረ ቅዱሳን የአሜሪካ ማዕከል “ ብጹዕ አቡነ ፋኑኤል ” ከሰሜን አሜሪካ ሀገረ ስብከት እንዲነሱ ቅዱስ ሲኖዶስን ጠየቀ፡፡

• ማዕከሉ በድረ ገጹ ባስነበበው አቋም ገላጭ ደብባቤው አቡነ ፋኑኤል ከቤተክርስቲያን ዓላማ በተቃራኒው መቆማቸውን በማብራራት፣ እሳቸው ተነስተው ደግ አባት ይመደብ ዘንድ ጠይቋል፡፡ ለዚህም ጥያቄውም አብነት የሚሆኑትን ማሳያዎች በዝርዝር አቅርቧል፡፡
• በተለይ በሰሜን አሜሪካ ቤተ ክርስቲያን ህጋዊ እውቅና ከሰጠቻቸው ማኅበራት ጋር ለመስራት ፈቃደኛ አለመሆናቸው፣ በትክክል በቤተክርስቲያን መዋቅር ስር ካሉት አጥቢያ አብያተ ክርስቲያናት ይልቅ ራሳቸውን ገለልተኛ ብለው ከሰየሙት ጋር መሰለፋቸው፣ እንዲሁም በፓትርያርኩ አምባገነንነት ተቋቁሞ በቅዱስ ሲኖዶስ እንዲዘጋ ውሳኔ የተላለፈበት የውጭ ግንኙነት ጽ/ቤት ህልውናው እንዲያንሰራራ፣ የዚሁ ህገ ወጥ ጽ/ቤት ኃላፊ ተብሎ የተመደበውን መናፍቅ “ዲ/ን ኃይለ ጊዮርጊስ ጥላሁን”ን ስራ አስኪያጅ አድርገው በመሾም ቀደም ብለው በሀገረ ስብከቱ ተሹመው የነበሩ ቅን አባቶች የጀመሩትን ቤተክርስቲያንን የማደራጀት በጎ ስራ ለማጨለም መሞከራቸው ለመግለጫው ዋነኛ ማስረገጫ ሆነው ቀርበዋል፡፡
• የመግለጫውን ሙሉ ቃል ቀጥለው ያንብቡ፡፡

የጠ/ቤተ ክህነቱ ሠራተኞች “የዳኛ ያለህ! ለቤተ ክርስቲያኒቱ ዳኝነት ይታይላት” የሚል ጽሑፍ ለቅዱስ ሲኖዶስ አባላት አሰራጩ

·  አቡነ ጳውሎስ ሃይማኖትን በመበረዝ እና በሕገ ቤተ ክርስቲያን ጥሰት መጠየቅ እና መወገድ ነበረባቸው::

·  ሊቃነ ጳጳሳቱ “ሰማዕታት፣ ነውረኞች፣ ዘገምተኞች እና ጥቅመኞች” በሚል በአራት ተከፍለዋል::

·  አቡነ ጳውሎስ የቅዱስ ሲኖዶስን ሕግ እና ውሳኔ እየሻሩ የቅዱስ ሲኖዶስን ጉባኤ መምራታቸው ሊያሳፍራቸው እንደሚገባ ተነግሯቸዋል::

·  አቡነ ጳውሎስ የመጨረሻውን የቤተ ክርስቲያን ሥልጣን ይዘው ሊቃውንቱን በጡረታ በማግለልና በመርገጥ ሃይማኖት እየበረዙ፣ አዳዲስ መዋቅር እየከፈቱ ሀብቷ በዱርዬ ባለሥልጣናት እንዲወድም እያደረጉ መኾኑ ተገልጧል፡፡ ሰሞኑን በጠቅ/ቤተ ክህነቱ የተፈጸመውን የጡረታና ዝውውር ውሳኔ ቅዱስ ሲኖዶስ እንዲያጤነው ሠራተኞቹ ጠይቀዋል፡፡

·  ከጥበቃ መደብ በቀጥታ ተነሥተው የመምሪያ ሓላፊ የኾኑና ሴቶችን በማነወር ሥራ የተጠመዱ ሓላፊዎች እንዳሉ ተጠቁሟል::

·  የልማትና ክርስቲያናዊ ተራድኦ ኮሚሽን ኮሚሽነር እና የቦርድ አባላት ያለሞያቸው በግል ወዳጅነት ተሰባስበው ኮሚሽኑን “እየመጠመጡት እና እየገደሉት ነው”::

የቅዱስ ሲኖዶስ መደበኛው የርክበ ካህናት ስብሰባ ተጀምሯል

• ማኅበረቅዱሳን የመምህር ዕንቁባህርይ ተከሰተ የሰንበት ት/ቤቶች ማደራጃ መምሪ ዋና ሃላፊነት ሹመት ህገወጥ መሆኑን አስታወቀ፡፡
• የአቡነ ጳውሎስና የአቡነ ሣሙኤል ውዝግብ የአሁኑ ቅዱስ ሲኖዶስ ስብሰባ ዋነኛ አጀንዳ እንደሚሆነ እየተነገረ ነው፡፡
• ጥንተ አብሶንና የተሃደሶ መናፍቃን አስተባባሪዎችን አስመልክቶ ቅዱስ ሲኖድስ ሃይማኖታዊ ውሳኔ ይሰጣል ተብሎ ይጠበቃል፡፡
• የገዳማትንና የሰሜን አሜሪካን አስመልክቶ በስፋት እንደሚነጋገር ይጠበቃል፡፡

(አንድ አድርገን ግንቦት ልደታ 2004ዓ.ም)፡- የሰንበት ት/ቤቶች ማደራጃ መምሪያ ዋና ሃላፊነት ሹመት ህገወጥ የአዲስ አበባ ሰንበት ት/ቤቶች ህብረትም የተቃወመው ሲሆን ተቃውሟቸውን የፊታችን ቅዳሜ ይገልጣሉ ተብሎ የሚጠበቅ ሲሆን ተቃወሟቸውን አንዳይገልጹ የተለያዩ አካላት ተጽዕኖ ለማሳደር እየጣሩ ይገኛሉ፡፡ በቤተክህነቱ እየተስተዋለ ለመጣው ህገወጥነትና የማፍያ ተግባር በምክንያትነት እንዲሁም ህገ ቤተክርስቲያን በመጣስ፣ ለታህድሶ መናፍቃን መሸሸጊያ በመሆን ቤተክርስቲያኗን ለማፍረስ ለጨለማው ቡድን ወግነዋል፣ አባታዊ ግዴታቸውን አልተወጡም ተብሎ የሚታመነው የፓትሪያሪኩ ጉደይ የመጨረሻ ውሳኔ እደሚሰጥም ይጠበቃል፡፡

ሊቀ ስዩማን ኀ/ጊዮርጊስና አቡነ ፋኑኤል ሴራ ሪፖርታዥ(ክፍል ሁለት)





ኃይለጊዮርጊስ ጥላሁን

• የጆቢራዎቹን ህገወጥ ደብዳቤ ያከሸፉት ቆሞስ መላእከ ጽዮን አባ ሕሩይ ወንድይፍራው ከሰንበት ት/ቤቶች ማደራጃ መምሪያ ኃላፊነታቸው ተነስተው የማደራጃ መምሪያው ምክትል ሓላፊ የነበረው መምህር እንቁባህርይ ተከስተ በቦታው ተሹመዋል፡

· የመምሪያው ሊቀ ጳጳስ ብጹዕ አቡነ ቀለምንጦስ “እኔ በማላውቅበት ኹኔታ የመምሪያው ሓላፊ ሊቀየሩ አይችሉም” በማለት ርምጃውን ተቃውመዋል፡፡

· ብጹዕ ወቅዱስ አቡነ ጳውሎስ ለተሃድሶ መናፍቃን ከለላ መስጠቱን ቀጥለውበታል፡፡

· ብጹዓን ሊቃነጳጳሳት የቤተክርሰቲያን ዋነኛ ችግር የብጹዕ ወቅዱስ አቡነ ጳውሎስ ለህገ ቤተክርስቲያን ተገዥ አለመሆናቸው መሆኑን ተናግረዋል·

ዝርዝሩ እንደሚከተለው አቅርበነዋል

አቡነ ፋኑኤል የለም ሲሉ የነበረውን ሃገረ ስብከት ንብረት ይሰጠኝ ብለው ለፖትሪያሪኩ አቤቱታ አቀረቡ

ሙሉውን ደብዳቤ ለማንበብ እዚህ ይጫኑ
ብፁዕ አቡነ ፋኑኤል ከዚህ በፊት በተደጋጋሚ ይልቁንም በVOA የአማርኛው ክፍል የዋሽንግተን ዲሲ ሀገረ ስብከት እንደሌለ ሲናገሩ መቆየታቸው የሚታወስ ነው። በፌብርዋሪ ላይ በሰጡት ቃለ ምልልስ ሲጠየቁ "ብፁዕነታቸው ነበሩ እንጂ፣ ሀገረ ስብከት መኖሩን የማውቀው ነገር የለም" ነበር ያሉት፥ አሁን ደግሞ ያንን ሄደው ማዕድ የቆረሱበትን፣ በአጥቢያውም ሄደው ኪዳን ያደረሱበትን ቤተ መቅደስ የለም ብለው የክህደት ቃላቸውን እንዳልሰጡ ዛሬ ደግሞ ስለምን ይሆን፥ ግራ በተጋባ መልኩ ንብረት፣ ገንዘብ ስላለ ይገባኛል ማለታቸው ምን ማለት እንደሆነ እግዚአሔር ይወቀው፣ ለመሆኑ አባ ፋኑኤል እና ኃይለጊዮርጊስ ጥላሁን እያደረጉ ያሉት የሥም ማጥፋት ዘመቻቸው የተመኙትን የዋሽንግተን ዲሲና አካባቢውን ሀገረ ስብከት በድጋሚ ይሸለሙ ይሆን? መልሱን ነገ ረቡዕ የሚጀመረው የቅዱስ ሲኖዶስ ጉባኤ ርክበ ካህናት እንደምንሰማው የሁላችንም እምነት ነው።

የሊቀ ስዩማን ኀ/ጊዮርጊስና አቡነ ፋኑኤል ሴራ ሪፖርታዥ(ክፍል አንድ)

-(የጆቢራዎቹ ደብዳቤ) መስከረም 12/2004 ዓ.ም ተወሰኑ የሚላቸውን ጉዳዮችን ጠቅሶ ማኅበረ 

  ቅዱሳን በ10 ቀን ውስጥ ተግባራዊ እንዲያደርግ የሚያሳስብ ሲሆን ይህንን ተግባራዊ የማያደርግ 

   ከሆነ አስተዳደራዊ እርምጃ እንደሚወሰድ ያስጠነቅቃል፡፡

- (ሰበር ዜና) የሰንበት ት/ቤቶች ማደራጃ መምሪያ ዋና ሓላፊ ከሓላፊነታቸው ተነስተዋል

- የማኅበረ ቅዱሳንን ህልውና ሊቋረጥበት ስለሚችልበት መንገድ ረዘም ያለ ሰዓት ወስደው መክረዋል

- (ኃ/ጊዮርጊስ) ቅዱሰ ሲኖዶስ በደራሽ ችግሮች አንዲጠመድና ጊዜ እንደይኖው በማድረግ ለቀጣይ 

 የጥቅምቱ ስብሰባ አጀንዳዎቹን እንዲያሳድራቸው ለማድረግ በመጣር ላይ ይገኛል ፤ ለዚህም የተመረጠው

 “ስስ ርእሰ ጉዳይ” (sensitive issue) የማኅበረ ቅዱሳንን ህልውና ላይ አደጋ መጋረጥ የሚል ይገኝበታል ፤



ኃይለጊዮርጊስ ጥላሁን

(አንድ አድርገን ሚያዚያ 30 ፤ 2004ዓ.ም)፡- ይህን ወሬ ማህበረ ቅዱሳን ድረ-ገጽ ላይ ላይ ላዩን አንበውት ሊሆን ይችላል ፤ እኛ ግን በጆቢራዎቹ እየተደረገ ያለውን ነገር ያሰቡትንና ያለሙትን ነገር ልንነግርዎ ወደድን ፤ አጣብቂን ውስጥ የገቡት አቡነ ፋኑኤል ከ“አማካሪያቸው” ኃ/ጊዮርጊስ ጋር በመሆን የቅዱስ ሲኖዶስ አባላት የግንቦት የርክበ ካህናት ስብሰባ ከመድረሱ በፊት በቀጥታም ይሁን በተዘዋዋሪ ተጽእኖ ለማሳደር እየጣሩ ነው፡፡ ባሳለፍነው ሳምንት መጨረሻ ላይ ተጽህኖ ለመፍጠርና ዓላማቸውን ለማሳካት ሲወጡ ሲወርዱ በቤተክህነቱ ውስጥ ተስተውለዋል ፤ ህጋዊ መሳይ ህገወጥ ደብዳቤ አርቅቀው ዓላማቸውን ለማሳካት መንኳኳት ያለበትን ቢሮ ሲያንኳኩ ሰንብተዋል ፤ የተጻፈው ደብዳቤው ዋነኛ ዓላማ ቅዱስ ሲኖዶስ የማኅበረ ቅዱሳን ህልውና ዋንኛ አጀንዳ አድርጎ እንዲነጋገር በማድረግ ሌሎች ከቤተክርስቲያኗ አንድነትና ህልውና ጋር የሚገናኙትን የተሃድሶ መናፍቃንና አሜሪካ ያለውን የአቡነ ፋኑኤል አፍራሽ አካሄድ ጋር የተገናኙ ጉዳዮች እንዳይታዩ ለማድረግ የትኩረት አቅጣጫ ማስቀየር ነው፡፡

ማስታወቂያ ስለ ታላቁ ዋልድባ ገዳም በመላው ዓለም ለሚገኙ የተዋሕዶ አማኞች በሙሉ!

Dear friends of Ethiopia

“. . .Wherefore take unto you the whole armorof God, that ye may be able to withstand in the evil day, and having done all,to stand. . .”

Ephesians 6:13

ቤተ ክርስቲያናችንን መጠበቅ ኃላፊነታችን ነው" የሰሜን አሜሪካን ሰንበት ት/ቤቶች አንድነት ጉባኤ

 

 በኢትዮጵያ ኦርቶዶክስ ተዋሕዶ ቤተ ክርስቲያን በሰሜን አሜሪካ አህጉረ ስብከት የሰንበት ት/ቤቶች አንድነት ጉባኤ የብፁዕ አቡነ ፋኑኤል ሕገ ወጥ አካሄድ ያሳደረባቸውን ስጋት በመግለጽ ወጣቶች የአቋም መግለጫ አውጥተዋል:: የሰንበት ት/ቤቶች አንድነት የቅዱስ ሲኖዶስን ውሳኔ በማክበር ከብፁዕ አቡነ ፋኑኤል ጋር አብሮ ለመሥራት በስልክና በደብዳቤ በተደጋጋሚ ጥያቄ ቢያቀርብም ምላሽ ሳያገኝ እንደቀረ መግለጫው ያትታል ።  መሉ መግለጫውን ለማንበብ ይህንን PDF ይጫኑ::

ቤተ ክርስቲያናችንን መጠበቅ  ኃላፊነታችን ነው ።

በኢትዮጵያ ኦርቶዶክስ ተዋሕዶ ቤተክርስቲያን በሰሜን አሜሪካ አህጉረ ስብከት የሰንበት ት/ቤቶች አንድነት ጉባኤ 

በእናንተ ዘንድ ያሉትን የእግዚአብሔርን መንጋዎች ጠብቁ : ስትጠብቁአቸውም እንደ እግዚአብሔር ፈቃድ በውድ እንጂ በግድ አይሁን: በበጎ ፈቃድ እንጂ መጥፎውን ረብ በመመኘትም አይሁን:: ለመንጋው ምሳሌ ሁኑ እንጂ ሕዝቡን በኅይል አትግዙ “ ፩ ጴጥ ፭፥ ፪-፫